Pambagyaharja Hari Raya Idhul Fitri

Kali ini saya akan membagikan salah satu contoh dari pidato bahasa jawa dengan tema idul fitri yang teman saya buat, pidato ini menggunakan bahasa indonesia, semoga artikel dengan tema idul fitri ini dapat bermanfaat bagi pembaca sekalian dan juga bisa untuk referensi dalam mempelajari pidato. teman-teman pengunjung yang ingin request materi atau mata pelajaran bisa hubungi saya melalui kontak email atau lansung berkomentar pada blog.

Assalamu’alaikum wr. Wb.

Bapak-bapak, Ibu-ibu saha sadherek-sadherek kaum muslimin Rahimakumullah.

Minal aidzin wal faizin,

Para rawuh, mangga kita sesarengan ngunjukaken puji syukur wonten ngarsaning Gusti Ingkang Maha Agung, inggih punika Allah SWT, ingkang sampun maringaken taufik lan hidayah, dene ing wekdal punika, kula lan panjenengan taksih pinaringan kasugengan saha karaharjan, saged pinanggih wonten ing masjid .............punika saperlu ngawontenaken pepanggihan nyambut dinten riyadi.

Kados ingkang kula lan panjenengan mangertosi, bilih mbenjang enjang umat Islam ing saindenging nuswantara badhe ngrayakaken dinten ingkang ageng, dinten ingkang kebak kabagyan tumraping umat Islam inggih punika dinten riyadi Idhul Fitri.

Dinten riyadi Idhul Fitri punika salah satunggaling dinten ingkang ageng tumraping umat Islam ingkang dipun regengaken kanthi kebak raos syukur dhumateng Allah SWT.

Allahu Akbar, Allahu Akbar, Allahu Akbar, La ilaaha illallahu Allahu Akbar, Allahu Akbar Walilla-hil hamd.

Kanthi ngagungaken asmanipun Gusti, mboten wonten Gusti ingkang kula lan panjenengan sembah kejawi namung Gusti Allah SWT piyambak.

Tembung Idhul Fitri punika saking tembung Idhul saha Fitri. Idhul tegesipun wangsul, saha Fitri punika suci. Artosipun Idhul Fitri punika “ wangsul dhateng kesucian”. Maksudipun saksampunipun nindakaken siyam satunggal wulan, minangka rukun Islam ingkang kaping tiga, kita badhe wangsul suci malih.

Pramila wonten ing dinten ageng punika, kita sesarengan nyuwun dhateng Allah SWT, mugiya dosa kula lan panjenengan sageda lebur. Lan mugi-mugi Gusti Allah kersa maringaken pangapunten dhumateng kula lan panjenengan sedaya, lumantar ing dinten riyadi ing mangke.

Bapak-bapak, Ibu-ibu saha sadherek-sadherek kaum muslimin rahimakumullah,.

Sampun setunggal wulan kita umat Islam sami nindakaken ngibadah siyam. Kita saged ngraosaken kados pundi raosipun mboten nedha saha ngunjuk sadangunipun setunggal dinten, saha saged nahan hawa nepsu. Kanthi mekaten, kita saged kados pundi raosipun tiyang-tiyang ingkang gesangipun tansah kekirangan.

Pramila ing akhir wulan siyam punika Allah SWT paring dhawuh dhumateng umatipun supados ngedalaken zakat fitrah kangge sedherek-sedherek kita ingkang kekirangan.

Zakat fitrah tumraping tiyang ingkang mampu menawi dipunlampahi kanthi ikhlas karana Allah, saged kangge ngresiki dosanipun wonten ing setunggal taun ingkang sampun kalampah.

Kejawi menika mbenjang enjang kula suwun sadherek sedaya kaum muslimin kersaha ngrawuhi sholat ied wonten ing Mesjid .............menika.

Pungkasaning atur, mugi-mugi kita saged ngrayakaken dinten riyadi punika kanthi remen, saha kebak ketakwaan dhumateng Allah SWT.

Akhirul Kallam, Wabillahitaufik Wal Hidayah.

WAssalamu’alaikum wr. Wb.